Comunicado de SOS COUREL:
Asociación Ecolóxico-Cultural SOs Courel
Santa Eufemia 32. Folgoso do Courel. 27327-Lugo
NIF G27362474.
Teléfonos 607 225887 Se non queres recibir máis información fáinolo saber
Boicot ao Plano da Xunta para o Oso Pardo, pola propia Xunta.
Plan do Oso>>>> http://es.scribd.com/doc/144897705/Proxecto-Proteccion-Oso-Pardo
A
Xunta elaborou unha modificación do Plan do Oso de Fraga de 1992, que
se aprobara para os Ancares, pero desta vez ampliando as actuacións ao
sur da autovía A6, nos Concellos do Courel, Quiroga, Triacastela,
Samos, As Nogais, entre outros. O plan inclúe unha serie de medidas de
protección para o oso e unha gran partida de medidas compensatorias,
para os habitantes e os territorios afectados, como:
-Subvencións e primas pra os aproveitamentos forestais de frondosas autóctonas.
-Subvencións pra os aproveitamentos de froiteiras e castiñeiros (cerdeira, maceiras, pereiras, serbais, etc.)
-Limpeza de soutos.
-Creación de postos de traballo pra o seguimento do oso
-Creación de postos de traballo pra rozas e repoboacións.
-Pagos a labregos por danos causados polo oso pardo.
-Loita contra o furtivismo e retirada de lazos.
-Investimentos pra pastores eléctricos
-Limitación da poboacións de xabaril.
-Control de poboación do lobo e cans asilvestrados.
-Creación dun programa de ecoturismo ligado á imaxe do oso
-Investimentos pra protección de colmeas. Rehabilitación de cortiños (alvarizas, oseiras)
-Maior control da caza polo Seprona
-Eliminacións das barreiras viarias e construcións de corredoiras ecolóxicas (A-6, N-VI)
-constitución da marca de calidade do oso pardo e a súa utilización como símbolo para a identificación dos produtos alimentarios (mel, embutidos,queixos, etc.)
Tamé algunha limitación como: Restrición
no paso dos turistas ás zonas de presenza da especie; limitación ás
queimas controladas; eliminación de pistas innecesarias e prohibición
de repoboar con piñeiros, eucaliptos e outras especies pirófitas.
Como se pode ver todo vantaxes ata nas limitacións.
Este
é un Plano que no esencial, é case idéntico a o que hai no resto das
comarcas da Cordilleira Cantábrica e teno que ser por coherencia para
facer posible a conservación da especie que se pretende, o oso pardo,
A
Xunta, elaborou un plano do oso para aparentar decencia e coherencia
co resto das comarcas oseiras, para despois, inmediatamete, permitir o
boicot dende o propio PP, polos cazadores e a alcaldesa:
- En
ningún momento se informou ós veciños e veciñas, das vantaxes deste
plan, nin durante a fase de participación pública nin ahora nesta de
información ao público, nin dende a Xunta, nin dende o Concello
- Permitiuse
que os seus cazadores, fosen os primeiros en percorrer todas as
aldeas do Courel, recollendo sinaturas contando unha chea de
falsidades, asustando a todos coa perigosidade do animal, coa
prohibición de tractores, motoserras, pastores eléctricos, aramios de
espiño, recollida de leña, expropiacións, solta masiva de osos ......
para logo presentalas ante o Pleno do Concello.
- A
alcaldesa do Courel, Lola Castro, con estas case catrocentas
sinaturas presentadas no Concello polos cazadores aproximadamente ¼
do censo electoral, xustificou pedir a retirada do Plano do Oso, para
o Concello do Courel.
- Tampouco
se lles explicou aos veciños e veciñas que con plan ou sen plan o oso
vai vir igual, e pódese dar a “chistosa” casualidade de que Quiroga,
máis o sur, quede no Plano do Oso, tendo que pasar os osos Cantábricos
cara Quiroga a través do Courel.
- A
Xunta non utilizou o servizo de gardería forestal para informar ó
veciños, nós cremos que normalmente a Xunta utiliza este servizo no
Courel para desinformar e boicotear todo tipo de protección do Courel,
recordamos que o actual Director Xeral de Conservación da Natureza foi o
xefazo do clúster da madeira de Galicia.
É
difícil entender, esta xenreira de algúns cazadores cara o oso, que
lle daría algunha emoción no monte ás anodinas e repetitivas batidas de
“ranchos”.
O
xabaril, é o autentico pesadelo de labregos e gandeiros, fai moito máis
dano do que pode facer o oso, levanta os cultivos e revolve os
prados, os cazadores cazan de balde nas súas terras e non reciben
ningunha compensación polos danos do xabaril e por riba, algúns,
presumen de matar ao lobo que é o único capaz de manter á raia o porco
bravo
.
Os
cazadores saben de sobra que o que lle contaron aos gandeiros e
veciños é mentira, porque tamén participaron na viaxe de fai anos a
Somiedo, no que tamén participou a alcaldesa , onde puideron
contrastar, un día enteiro con cazadores do Concello oseiro asturiano, e
xa comprobaron que non había ningún problema ao respecto, e tamén
puideron ver as vantaxes para os gandeiros, nun territorio que ten
cinco veces máis gando que o Courel, con presenza de oso continuada.
No
resto dos territorios oseiros cantábricos , o oso é uha marca de
calidade, para os gandeiros, apicultores , para o turismo ..... onde
todos está incluidos neste proxecto da FOP http://www.territoriooso.org/
Que
o oso pardo dentro do territorio é unha fabulosa riqueza, é unha
realidade palpable no resto da Cordilleira Cantábrica e non unha
falacia de ecoloxistas caprichosos,, no concello mineiro de Villablino
acaban de empregar a dez parados, restaurando minas e transformandoas en
bosques para o osos.
O oso é unha oportunidade para un agónico Courel por iso pedímoslle:
- Á
xunta, que neste novo prazo de información que se abriu, informe aos
veciños e veciñas e a todos os cazadores, do contido deste Plano do Oso.
- Ó
Concello do Courel, que pida a inclusión, de toda a Serra, do Courel
Baixo tamén, no Plano do Oso, xa que a zona sur quedou fora, e isto
impídelle aos apicultores e gandeiros acceder ás axudas deste Plan.
- Aos
cazadores do Courel que recolleron as sinaturas, que as retiren das
alegacións do Plano do Oso, xa que se valeron da desinformación e o
medo para conseguilas. E que entendan que unha maior presenza do
servizo de gardería do oso, do seprona, a retirada masiva de lazos e a
eliminación do furtivismo , só pode beneficialos. En todo caso deben
entender, que unha actividade e ocio, non pode condicionar a
recuperación económica de un Concello que xa agoniza e non poden
prexudicar de xeito temerario aos veciños e gandeiros que por outra
banda déixanlle de balde as súas terras e montes para que poidan cazar
gratis, sen esixir o pago dos danos do corzo e do xabaril.
Saúdos
_________________________
Intervención da alcaldesa
Intervención do presidente do TECOR, O Courel Alto, presuntos perxudicados
.
.
No hay comentarios:
Publicar un comentario